Kæruleiðir
Þegar fangi er beittur agaviðurlögum eða á annan hátt er tekin stjórnvaldsákvörðun sem beinist að honum er fanga heimilt að kæra þá ákvörðun til æðra stjórnvalds. Slík mál sæta kæru til Fangelsismálastofnunar og svo dómsmála- og mannréttindaráðuneytis eða beint til ráðuneytisins.
Ákvarðanir um agaviðurlög skv. 57. gr. og vistun í öryggisklefa skv. 59. gr. laga um fullnustu refsinga nr. 49/2005 sæta kæru til dómsmála- og mannréttindaráðuneytisins sbr. 61. gr. laga um fullnustu refsinga nr. 49/2005 og skal skýra fanga frá því um leið og ákvörðun er birt. Þegar ákvörðun er kærð skulu gögn málsins þegar send ráðuneytinu. Ráðuneytið skal taka ákvörðun innan fjögurra virkra daga frá því að kæran barst, ella fellur hin kærða ákvörðun úr gildi. Berist kæran utan afgreiðslutíma ráðuneytisins telst hún hafa borist því við upphaf næsta virka dags.