Ákærufrestun
Skilorðsbundin frestun á útgáfu ákæru ungmenna er úrræði sem heimilt er að beita samkvæmt 56. gr. almennra hegningarlaga, þegar í hlut eiga ungmenni á aldrinum 15-21 árs sem hafa gengist við broti sínu. Einstaklingur verður sakhæfur við 15 ára aldur og meirihluti þeirra sem fá ákærufrestun hafa ekki náð 18 ára aldri þegar ákærufrestun hefst. Þetta úrræði er talið vera vænlegra til að skila árangri en refsing, þar sem viðkomandi fær tækifæri til að líta í eigin barm og skoða hvað fór úrskeiðis svo hann haldi ekki áfram á sömu braut.
Fjöldi ákærufrestana sem berst Fangelsismálastofnun á hverju ári:
| ´89 | ´90 | ´91 | ´92 | ´93 | ´94 | ´95 | ´96 | ´97 | ´98 | ´99 | ´00 | ´01 | ´02 | ´03 | ´04 | ´05 | ´06 | ´07 | ´08 | ´09 | ´10 |
|---|---|---|---|---|---|---|---|---|---|---|---|---|---|---|---|---|---|---|---|---|---|
| 134 | 120 | 84 | 92 | 87 | 51 | 57 | 52 | 129 | 139 | 77 | 83 | 97 | 60 | 77 | 29 | 50 | 32 | 3 |
Algengustu brot þessa hóps eru þjófnaðar- og auðgunarbrot. Sjá nánar í ársskýrslum stofnunarinnar á vefsíðunni. Skilorðstími er oftast á bilinu 1-2 ár, en hann má ekki vera skemmri en 1 ár og ekki lengri en 5 ár. Skilyrðin eru fyrst og fremst þau að fremja ekki nýtt brot á skilorðstímanum og að viðkomandi sé háður eftirliti og umsjón Fangelsismálastofnunar, sjá skilorðseftirlit. Ef viðkomandi gerist sekur um afbrot eða óhlýðnast í veigamiklum atriðum fyrirmælum eftirlitsaðila má taka málið upp að nýju.