Afplánun utan fangelsa

Endurkoma út í hið frjálsa samfélag getur reynst fanga erfið. Auk þeirrar þjónustu og meðferðar sem veitt er af starfsfólki í fangelsunum hefur Fangelsismálastofnun um margra ára skeið leitast við að aðlaga fanga að samfélaginu í áföngum með því að heimila þeim að afplána hluta refsingar utan fangelsis í meðferð eða endurhæfingu.

Samkomulag hefur verið gert við ýmsar stofnanir eða félagasamtök þar að lútandi. Slík afplánun er ávallt háð skilyrðum sem dómþoli undirritar áður en til vistunar kemur.