Félagsráðgjafi - Meðferðarsvið Fangelsismálastofnunar

Langar þig að starfa þar sem þú hefur raunveruleg áhrif á fólk og samfélagið í heild? 

Fangelsismálastofnun leitar að framsýnum og lausnarmiðuðum félagsráðgjafa í öflugt og faglegt teymi á meðferðarsviði. 

Á sviðinu starfa félagsráðgjafar, sálfræðingar og vímuefnaráðgjafar í nánu samstarfi við annað starfsfólk fangelsa og heilbrigðisstarfsfólk. 

Lögð er áhersla á þverfaglega teymisvinnu, fagmennsku og mannlega nálgun í endurhæfingu.

Helstu verkefni og ábyrgð

• Veita félagslega ráðgjöf og stuðning
• Halda einstaklingsviðtöl og hópafræðslu
• Framkvæma innkomumöt og móta einstaklingsáætlanir
• Styðja við afplánunarferli og endurkomu í samfélagið
• Vinna í samstarfi við aðrar stofnanir og þjónustuaðila
• Veita fræðslu og handleiðslu til starfsfólks
• Taka þátt í þróunar- og umbótaverkefnum, bæði innlendum og erlendum

Hæfnikröfur

• Íslenskt starfsleyfi félagsráðgjafa
• Þekking og reynsla af starfi sem félagsráðgjafi er æskilegt
• Þekking og reynsla á sviði réttarfélagsráðgjafar er kostur
• Sjálfstæð vinnubrögð, skipulagshæfileikar og lausnamiðuð nálgun er mikilvæg
• Góð tölvufærni 
• Reynsla af áhugahvetjandi samtalstækni (MI) 
• Þekking á áhættumati, hugrænni atferlismeðferð, hvatningsviðtalstækni (MI) og áfallamiðaðri nálgun er æskileg
• Ástríða fyrir þróun úrræða sem styðja við endurhæfingu og samfélagslega aðlögun skjólstæðinga
• Þekking eða reynsla af vinnu með fólki með fjölþættan vanda er mikilvæg
• Góð samskiptafærni og teymisvinna
• Góð íslensku og enskukunnátta

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.

Vinnustaðurinn er fjölskylduvænn og er meðal annars boðið upp á fulla styttingu vinnuvikunnar, og skemmtilegt starfsmannafélag í krefjandi en lifandi starfsumhverfi. 

Fangelsismálastofnun rekur fjögur fangelsi; Fangelsin á Hólmsheiði og á Litla-Hrauni sem eru lokuð fangelsi og Fangelsið Sogni og Kvíabryggju sem eru opin fangelsi. 

Starfsfólk meðferðarsviðs er með starfsstöð á skrifstofu Fangelsismálastofnunar en starfið fer að miklu leyti fram í fangelsum. 

Tekið er mið af jafnréttisstefnu Fangelsismálastofnunar við ráðningar. 

Fangelsismálastofnun hefur hlotið jafnlaunavottun samkvæmt Jafnlaunastaðlinum ÍST85:2012.

Starfshlutfall er 80 - 100 %
Umsóknarfrestur er til og með 21.04.2026

Nánari upplýsingar veitir

Sækja um starf Til baka