Sérfræðingur tæknimál
Fangelsismálastofnun óskar eftir öflugum sérfræðingi í tæknimálum til starfa hjá stofnunni. Sérfræðingur tæknimála heyrir undir sviðsstjóra rekstrar- og fjármála.
Hjá Fangelsismálastofnun starfa alls um 140 starfsmenn á fimm mismunandi starfsstöðum, fjórum fangelsum og aðalskrifstofu. Viðkomandi mun hafa yfirumsjón með fjölbreyttum tæknimálum þvert á stofnunina.
Við viljum ráða jákvæðan, metnaðarfullan og þjónustulipran einstakling sem er lausnamiðaður og skipulagður. Viðkomandi þarf að hafa yfirgripsmikla þekkingu á upplýsingatækni ásamt góðri reynslu af rekstri og umsjón tölvu- og netkerfa. Helstu þættir sem viðkomandi einstaklingur hefur umsjón og eftirlit með í samstarfi við birgja eru m.a. netþjónar, ýmis tölvubúnaður starfsmanna, símkerfi, sjónvarpskerfi, öryggismyndavélakerfi, aðgangastýrikerfi, loftræstikerfi, kassakerfi í verslunum fangelsanna ásamt ýmsum hugbúnaðakerfum s.s. frá One Systems, DK og Ferli.
Helstu verkefni og ábyrgð
Yfirumsjón með rekstri og viðhaldi tæknimálum stofnunarinnar
Ábyrgð á stafrænum lausnum í þjónustu stofnunarinnar
Samskipti við utanaðkomandi þjónustuaðila
Ráðgjöf við yfirstjórn stofnunarinnar varðandi lausnir og framþróun tækni sem getur stuðlað að hagræðingu og betra starfsumhverfi í fangelsiskerfinu.
Fræðsla og þjálfun til starfsmanna varðandi upplýsingatækni, tækni og öryggisbúnað
Hæfnikröfur
Menntun sem nýtist í starfi æskileg
Yfirgripsmikil reynsla af sambærilegum störfum
Þekking á upplýsingaöryggi, gæðaferlum og gagnastýringu
Reynsla af verkefnastýringu í upplýsingatækni og breytingastjórnun
Mikil færni í mannlegum samskiptum og hæfileikar til samstarfs
Frumkvæði, skipulagsfærni og sjálfstæði í vinnubrögðum
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.
Um framtíðarstarf er að ræða og fullt starf. Æskilegt er að viðkomandi geti hafið störf sem fyrst.
Athygli skal vakin á því að áður en að ráðningu kemur skal umsækjandi, að fengnu samþykki hans, undirgangast bakgrunnsskoðun skv. 10.gr. laga nr. 15/2016 um fullnustu refsinga.
Allir áhugasamir eru hvattir til að sækja um, óháð kyni og uppruna.
Starfshlutfall er 100 %
Umsóknarfrestur er til og með 28.01.2021
Nánari upplýsingar veitir
Jakob Magnússon - Jakob@fangelsi.is - 520 5006
Sigurveig Helga Jónsdóttir - helga@fangelsi.is - 520 5009
FMS Fangelsismálastofnun ríkisins (06501)
Austurströnd 5
170 Seltjarnarnes