Sumarstörf í fangelsum
Fangelsismálastofnun leitar eftir áhugasömu fólki til starfa við fangavörslu í sumar. Í boði eru sumarstörf í fjórum mismunandi fangelsum víðsvegar um landið.
Fangelsið Hólmsheiði er gæsluvarðhalds- og móttökufangelsi fyrir öll kyn, aðstöðu fyrir afplánun styttri fangelsisrefsinga og vararefsinga. Fangelsið er staðsett við Nesjavallaleið í Reykjavík.
Fangelsið Litla-Hrauni er lokað fangelsi fyrir karlkyns afplánunarfanga og er staðsett á Eyrarbakka.
Fangelsin Kvíabryggja og Sogn eru skilgreind sem opin fangelsi. Fangelsið Sogni er staðsett í Ölfusi og rekið í nánu samstarfi við Litla-Hraun, fangelsið Kvíabryggju er staðsett á Snæfellsnesi við Grundarfjörð.
Við leitum að jákvæðu fólki sem er framúrskarandi í samskiptum og til í að vinna í lifandi og krefjandi umhverfi. Flest störfin eru unnin í vaktavinnu og lágmarksaldur umsækjenda eru 20 ár.
Helstu verkefni og ábyrgð
- Leiðsögn og aðstoð við skjólstæðinga
- Eftirlit og verkstjórn
- Þátttaka í allri daglegri starfsemi fangelsa
Hæfnikröfur
- Góð almenn menntun
- Jákvætt viðhorf og færni í mannlegum samskiptum
- Geta til að bregðast skjótt við breytilegum aðstæðum
- Metnaður, sjálfstæði og stundvísi
- Gott vald á íslensku og ensku
- Góð tölvufærni
Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Sameyki hafa gert.
Athygli skal vakin á því að áður en að ráðningu kemur skal umsækjandi, að fengnu samþykki, undirgangast bakgrunnsskoðun skv. 10.gr. laga nr. 15/2016 um fullnustu refsinga.
Allar umsóknir þurfa að fara rafrænt í gegnum ráðningarkerfi ríkisins og öllum umsóknum verður svarað þegar ákvörðun um ráðningu liggur fyrir.
Fólk af öllum kynjum er hvatt til þess að sækja um.
Það að starfa í fangelsi getur verið góð reynsla og gefandi viðbót við nám þess sem stefnir á að starfa sem sálfræðingur, iðjuþjálfi, lögfræðingur, félagsráðgjafi eða hjúkrunarfræðingur svo dæmi séu nefnd.
Starfshlutfall er 100 %
Umsóknarfrestur er til og með 03.02.2023
Nánari upplýsingar veitir
Halldór Valur Pálsson - HalldorValur@fangelsi.is
Böðvar Einarsson - bodvar@fangelsi.is
FMS Fangelsismálastofnun ríkisins (06501)
Austurströnd 5
170 Seltjarnarnes