Fangelsismálastofnun leitar að félagsráðgjafa

Við leitum að framsýnum og lausnarmiðuðum félagsráðgjafa í faglegt teymi á meðferðarsviði Fangelsismálastofnunar. Starfshlutfall 80% eða eftir samkomulagi.

Á meðferðarsviði starfa þrír sálfræðingar, þrír félagsráðgjafar og tveir vímuefnaráðgjafar sem vinna í nánu samstarfi við annað starfsfólk stofnunarinnar og geðheilsuteymi fangelsanna. Áhersla er á þverfaglega teymisvinnu og jákvæð viðhorf til skjólstæðinga. 

Helstu verkefni og ábyrgð

• Þverfaglegt meðferðarstarf ásamt meðferðar- og stuðningsþjónustu
• Einstaklings- og hópmeðferðir 
• Stuðningur og ráðgjöf 
• Félagsleg ráðgjöf og stuðningur fyrir aðstandendur
• Fræðsla til skjólstæðinga og starfsfólks fangelsa 
• Eftirfylgd á reynslulausn 

Hæfnikröfur

• Íslenskt starfsleyfi félagsráðgjafa
• Þekking, reynsla og áhugi á sviði réttarfélagsráðgjafar er æskileg
• Þekking eða reynsla af vinnu með fólki með fjölþættan vanda
• Sjálfstæð vinnubrögð, frumkvæði í starfi, skipulagshæfileikar og jákvæðni
• Reynsla af áhugahvetjandi samtalstækni (Motivational interviewing) er kostur

Frekari upplýsingar um starfið

Laun samkvæmt gildandi kjarasamningi sem fjármála- og efnahagsráðherra og Félagsráðgjafafélag Íslands hafa gert.

Vinnustaðurinn er fjölskylduvænn og er meðal annars boðið upp á fulla styttingu vinnuvikunnar, aðstöðu til heilsuræktar og skemmtilegt starfsmannafélag í krefjandi en lifandi starfsumhverfi. 

Fangelsismálastofnun rekur fjögur fangelsi, Fangelsin Hólmsheiði og Litla-Hraun sem eru lokuð fangelsi og Fangelsið Sogni og Kvíabryggju sem eru opin fangelsi. Starfsfólk meðferðarsviðs er með starfsstöð á skrifstofu Fangelsismálastofnunar í Reykjavík en sinnir jafnframt reglubundnum heimsóknum í fangelsin. 

Starfshlutfall er 80 - 100 %
Umsóknarfrestur er til og með 30.05.2023

Nánari upplýsingar veitir

Sækja um starf Til baka